នួន ជា កើតឆ្នាំ ១៩២៦ នៅខេត្តបាត់ដំបង ។ នៅឆ្នាំ ១៩៤២ នួន ជា បានទៅបន្ត
ថ្នាក់មធ្យមសិក្សាកម្រិត ២ នៅទីក្រុងបាងកក ដោយរស់នៅវត្តបិណ្ឌចាម៉ាបូពិត ។ នៅឆ្នាំ
១៩៤៤ នួន ជា សិក្សាផ្នែកច្បាប់នៅសកលវិទ្យាល័យធម្មសាត ដែលនៅទីនោះ នួន ជា
បានចូលជាសមាជិកបក្សកុម្មុយនីស្តថៃ ។
នួន ជា វិលត្រឡប់មកប្រទេសកម្ពុជា នៅឆ្នាំ ១៩៥០ ហើយបានប្តូរសមាជិកភាព
របស់ខ្លួនមកជាសមាជិកបក្សកុម្មុយនីស្តឥណ្ឌូចិន ។ នួន ជា បានចូលសិក្សាវគ្គហ្វឹកហ្វឺននៅ
ទីក្រុងហាណូយ ក្នុងឆ្នាំ ១៩៥៤ ហើយបានវិលត្រឡប់មកកម្ពុជាវិញនៅឆ្នាំ ១៩៥៥ ។ នួន
ជា ត្រូវបានជ្រើសរើសជាអនុលេខាបក្សពលករកម្ពុជានៅឆ្នាំ ១៩៦០ ។
ក្នុងរបបកម្ពុជាប្រជាធិបតេយ្យ នួន ជា ត្រូវបានជ្រើសតាំងជាប្រធានសភាតំណាង
ប្រជាជនកម្ពុជា ។ នួន ជា ក៏មានតំណែងជាអនុលេខាគណៈកម្មាធិការមជ្ឈិម និងគណៈកម្មា
ធិការអចិន្រ្តៃយ៍បក្សផងដែរ ។ នួន ជា ដើរតួរនាទីសំខាន់ក្នុងបញ្ហាសន្តិសុខ ហើយក្នុងនាម
ជាកម្មាភិបាលជាន់ខ្ពស់លំដាប់ទីពីរ នួន ជា ទទួលខុសត្រូវក្នុងការអនុវត្តគោលនយោបាយ
ឃោរឃៅជាច្រើន ដែលបានអនុម័តឲ្យអនុវត្តដោយគណៈកម្មាធិការអចិន្រ្តៃយ៍បក្ស ។
នួន ជា បាននិរទេសខ្លួនទៅព្រំដែនខ្មែរ-ថៃ នៅឆ្នាំ ១៩៧៩ ។ នួន ជា ជាមួយ
ខៀវ សំផន បានចុះចូលជាមួយរាជរដ្ធាភិបាលកម្ពុជាបន្ទាប់ពីមរណភាពរបស់ ប៉ុល ពល
នៅឆ្នាំ ១៩៩៨ ៕
បានរៀបជា សំណុំឯកសារ ក្នុង : ប្រវត្តិសាស្រ្ត
